卡面系列
你現可於八達通App內的「八達通卡面商店」，為你的iPhone或Apple Watch内的八達通或Android版八達通挑選喜愛的卡面設計，令日常支付更有樂趣！
即日起至2026年9月30日(推廣期)，新客戶加八達通入iPhone或Apple Watch或Android版八達通，即送你一張自選卡面*！
從經典動漫，到可愛卡通角色及香港插畫家的作品，總有一款卡面能夠代表你的個性！
CHIIKAWA ARTIVERSE
八達通特別推出三款「CHIIKAWA ARTIVERSE」主題卡面，包括人氣主角「吉伊卡哇」、溫暖貼心嘅「小八」，以及充滿活力嘅「兔兔」！套用卡面後，每次付款均可顯示主題卡面，八達通App啟動畫面及主頁介面亦會同步換上CHIIKAWA主題。無論開App定拍卡，都有佢哋融入你嘅日常支付體驗，為每日帶來無限驚喜與治癒！
新世紀福音戰士新劇場版
《新世紀福音戰士新劇場版》全新手機八達通卡面正式登陸八達通卡面商店！精心收錄初號機駕駛員「碇真嗣」、零號機駕駛員「綾波零」、2號機駕駛員「式波·明日香·蘭格雷」，以及Mark.06駕駛員「渚薰」共4款經典型格設計。立即集齊一套，與經典機體深度共鳴，準備好隨時一「嘟」出擊！
DAN DA DAN
《 DAN DA DAN 》全新手機八達通卡面連專屬App主題正式登陸八達通卡面商店！收錄靈媒少女「小桃」、神秘學狂熱少年「厄卡倫」連同神出鬼沒嘅「高速婆婆」共4款型格設計。立即集齊一套，準備一「嘟」解咒，展開無限奇幻×科幻嘅超自然冒險！
HKBlood
為手機八達通換新裝，一齊喺世界捐血者日嘅月份捐血！
捐一次血，救三個人，唔單單係一句口號，而係確確實實存在嘅祝福。
每年6月14日都係世界捐血者日，一齊喺呢個日子加入捐血者行列，為有需要嘅病上送上希望啦!
新劇場版 銀魂 -吉原大炎上-
《新劇場版 銀魂 -吉原大炎上-》電影系列卡面正式登陸八達通卡面商店！收錄萬事屋「阿銀」三人連同裝扮成花魁嘅艾利撒比斯角色共5款手機八達通卡面。隨即集齊一套，準備迎戰呢場奪回吉原日光嘅激鬥！
EXO PLANET #6 – EXhOrizon 世巡
EXO-L注意！韓國人氣男團EXO帶著全新巡演「EXO PLANET #6 - EXhOrizon」重返香港！立即下載限定版手機八達通卡面，與EXO一起創造屬於香港EXO‑L的珍貴回憶！
褲褲兔
人氣IP「褲褲兔」可愛登陸八達通卡面商店！全新 4 款動畫卡面陪你返工放工，將「可憐感」變做療癒能量！立即下載，等佢陪你周圍去啦！
一顆不變的星MOLLY二十週年特展
全新4款MOLLY手機八達通卡面及App主題登陸八達通卡面商店啦！套用卡面後，八達通App內各頁面亦會自動更換成MOLLY專屬主題，每次畀錢或開App都見到佢嘅可愛嘟嘴樣，陪你度過每個生活日常！
六角彩子特別版系列
由國際知名藝術家六角彩子特別呈獻的手機八達通卡面，將日本傳說中的奇幻島嶼Onigashima重新構想，並與香港這座匯聚多元文化與能量的城市互相呼應。這張特別版卡面化身為穿梭城市的鑰匙，將藝術融入生活，為您的日常出行帶來一絲冒險的雀躍。
“SYNK: aeXIS LINE”全球巡演
乘著aespa《SYNK: aeXIS LINE》全球巡演之熱潮，特別推出五款限定版手機八達通卡面，讓 aespa 嘅獨特魅力由舞台延伸至日常，畀錢時你最愛嘅aespa 成員就會一「嘟」出現，陪伴 MY穿梭香港大街小巷！
罐頭豬LULU
LULU豬登陸八達通卡面商店，化身雪球同火鍋配料陪你過冬！立即下載兩款「罐頭豬LULU」動畫卡面，仲可以為八達通App換上特別主題，一齊迎接溫暖冬日！
維港海上大巡遊
多啦A夢嚟到香港啦！立即到八達通卡面商店下載特別版「多啦A夢 - 維港海上大巡遊」卡面，無論去邊都有多啦A夢陪住你！
狗狗日常
一齊同呢隻可愛嘅文青狗狗chill住嘆返杯咖啡，喺繁忙嘅城市享受一陣悠閒時光！
無限光譜
「無限光譜」系列卡面靈感源自全新 iPhone 17 Pro、iPhone 17 及 iPhone Air 的機身色彩，融合了柔和漸變、鮮明色調與極簡線條的五款設計，展現科技與美學的結合。
GACHIAKUTA
結合奇幻與黑暗元素的冒險動漫《GACHIAKUTA》現正熱播！人氣角色包括主角路德、贊卡、恩琴及理遙嘅手機八達通卡面亦同步登場！立即到八達通卡面商店集齊4款卡面，與「清道夫」們一起改變世界！
怪獸8號
結合熱血戰鬥、友情、夢想以及怪獸元素的精彩動漫「怪獸8號」推出咗4款手機八達通卡面，包括主角 日比野卡夫卡／怪獸8號 及「防衛隊」成員四之宮奇可露及保科宗四郎！立即去八達通卡面商店下載，一齊對抗怪獸守護日本！
愉快動物餅大電影
滿滿童年回憶嘅零食「愉快動物餅」搖身一變化身最cute嘅立體角色登陸大銀幕！而手機八達通卡面亦同步登場，6款得意設計任你揀 — 包括經典角色及電影版原創角色小飛馬！立即去八達通卡面商店下載，每日「嘟」住愉快出門口！
海洋公園大熊貓慈善紀念版
海洋公園推出「大熊貓慈善紀念版」動畫*手機八達通卡面，收益將全數撥捐給海洋公園公司，邀請大家攜手以愛心和善行支持其保育與教育工作。
*卡面的動畫效果只在八達通App及支援手機內呈現。
Octopus GO!
Octopus of The Day! 立即下載Ian@MIRROR同Marf@COLLAR #OOTD嘅手機八達通卡面，只要帶住手機八達通，每日出街食買玩都隨時自帶風！
蠟筆小新
蠟筆小新迷注意！經典動畫《蠟筆小新》系列卡面已經登陸八達通卡面商店！有齊經典同特別造型，實有一款啱你心水！立即集齊三款卡面，為手機八達通換上全新卡面，重新回味與小新等人度過嘅珍貴時光！
我獨自升級
踏入黑暗，覺醒成為真正的獵人！《我獨自升級》動畫卡面正式登場，收錄主角成振宇及「舞姬」車海印經典角色。 力量、命運與榮耀，現在就開始你的升級之路！立即集齊四款卡面！
*卡面的動畫效果只在八達通App及支援手機內呈現。
機動戰士高達
元祖高達包括RX-78-2 高達、MS-06S 馬沙專用渣古及MSN-02自護號喺八達通卡面商店等緊大家！立即換上全新「機動戰士高達」卡面，一齊回味經典！
香港寫照
「香港寫照」卡面系列以水彩形式呈現了極具香港文化特色的建築，由經典景點：青馬大橋，尖沙咀碼頭及西港城 到 歷史悠久的英皇書院及香港大學，立即選擇你喜愛的香港建築，爲你的手機八達通增添一番港式情懷！
Android版八達通隨手嘟
召集 Android 粉絲！Android 手機都可以用手機八達通啦！特別設計一系列新卡面，畀你即刻帶住 Android Bot周圍去，隨手嘟！
海洋公園大熊貓
海洋公園大熊貓家族登陸手機八達通卡面！香港海洋公園入場人士可於「香港賽馬會四川奇珍館」及「大熊貓之旅」內免費下載大熊貓安安、可可、樂樂、盈盈及一對龍鳳胎寶寶嘅動畫*手機八達通卡面^！
只需備有八達通App及八達通在iPhone或Apple Watch或Android版八達通，透過流動裝置上的二維碼功能及八達通App，即可下載「場館限定」大熊貓動畫*卡面，為你嘅手機八達通注入至cute個性，每次用八達通畀錢時大熊貓就會一「嘟」出現！
記得入場前加八達通入iPhone或Apple Watch或Android手機！
*卡面的動畫效果只在八達通App及支援手機內呈現。
^有關「場館限定」卡面的推廣期，請參閱香港海洋公園內的相關宣傳品。
香港人畫香港貓
「香港人畫香港貓」系列推出咗新卡面啦！今次仲有成班毛毛朋友陪你喺櫻花樹下嘆個靚tea！
閃耀時刻
八達通特別為 iPhone 16 設計兩種獨特個性卡面。巧妙融合3種色彩，搭配出更多可能！
香港救助兒童會慈善紀念版
香港救助兒童會邀請大家一齊來認識我們的可愛伙伴，與孩子們一起成長，在充滿挑戰和艱難的時期為他們提供愛和安慰。我們的大使已準備好與您一起啟程，出發吧。
「鈦」Pro 系列
擁有全新 iPhone 15 Pro，梗係要襯埋手機八達通嘅全新「鈦」Pro 系列卡面！特別為 iPhone 15 Pro 而設計，有齊 4 種鈦金屬畀你襯出完美配搭！
