的士司機專區
今時今日,人人出街無現金,但電子支付又五花八門?八達通為各位司機打開更多商機!
商用版八達通App已全面於的士行業推行開放式支付,擴大接受其他電子支付方式,既可以迎合市場對電子支付嘅需求,更可以迎接開關帶來跨境消費嘅機遇!一部八達通流動收款機,接受更多不同支付工具,包括八達通、八達通銀包、銀聯二維碼、AlipayHK和內地支付寶支付等,真正一機應百客!
司機可以享受同樣流暢嘅收款體驗,無需切換應用程式,收款只需直接進入商用版八達通App賬戶!乘客亦可以用常見嘅支付工具付款,無論本地乘客或遊客上車,畀錢一樣卡照嘟碼照掃,唔怕錯失每單生意。
司機收完錢隨即落袋,直入商用版八達通App賬戶,隨時轉數快即時轉入銀行戶口,每日準時出糧!
更新商用版八達通App至最新版本,加入八達通開放式支付,滿足乘客需求同時提升業務,令你嘅的士生意更上一層樓!
上客 收錢 出糧 一氣呵成
更多客
唔怕乘客無現金之餘,一部八達通流動收款機同時支援八達通、八達通銀包、銀聯二維碼、AlipayHK和內地支付寶等支付方式,無論港人定旅客,嘟卡、掃碼都畀到錢,全面應付唔同乘客需要,捉緊更多商機!
零成本
八達通為的士司機免費提供八達通流動收款機,而且免銀行賬戶資金轉賬費至2025年12月31日,收款幾多就賺幾多落袋!
落袋快配合轉數快,每日收工即時將收款轉賬到預先設定嘅銀行戶口,變相即日落袋零等待!
上手易
申請簡單,只需下載商用版八達通App,幾個簡單步驟即可輕鬆以手機開戶,每次收款以手機操作,申請到收款一App搞掂,密密手接多幾支大旗!
現有的士司機只需更新商用版八達通App至最新版本,同樣可以享受流暢收款體驗,無需切換應用程式,交易記錄清晰!
夠方便
乘客用方便嘅方式付款,毋須再收現金找續,接載旅客亦唔使處理繁瑣嘅外幣兌換,收款過程更快捷,落客更省時方便!只需首次配對,早/夜/特/替更司機開工八達通流動收款機都會自動連線!
更安全
收款過程零現金,司機唔使再擔心攜帶大量現金或面對假鈔風險,開工更加安全可靠!
使用教學
出糧篇
司機可利用商用版八達通App結合「轉數快」,透過以下步驟24/7即時將賬戶內的收款轉賬到預先設定的銀行戶口:
於主頁選取「轉賬到銀行」
輸入轉賬金額,然後按下一步,即可轉賬!
系統保養時間表
請按此查閱系統保養時間表。